سپریم کورٹ دا اسحاق ڈاردے گھر دے باہرو پارک تے سڑک بنڑاونڑتے اظہار برہمی، ڈاہ ڈینہہ اچ پارک بحال کرنڑ دا حکم

سپریم کورٹ دا اسحاق ڈاردے گھر دے باہرو پارک تے سڑک بنڑاونڑتے اظہار برہمی، ڈاہ ڈینہہ اچ پارک بحال کرنڑ دا حکم

لاہور(پاکستان نیوزپوائنٹ 22مارچ2018ء) سپریم کورٹ سابق وفاقی وزیر خزانہ سینیٹر اسحاق ڈار دے گھر دے باہرو پارک دی جاہ تے سڑک بنڑاونڑ تے اظہار برہمی کریندے ہوئیں ڈاہ ڈینہہ اچ پارک اصل حالت اچ بحال کرنر دا حکم ڈیندے ہوئین آکھیے جو سڑک دی تعمیر اتے پارک دی بحالی تے آونر آلے اخراجات اسحاق ڈاری دے کھیسے اچوں کڈھیے ونجن۔چیف جسٹس میاں ثاقب نثار دی سربراہی اچ جسٹس عمر عطاءبندیال اتے جسٹس اعجاز الا حسن دے ترائے رکنی فل بنچ کیس دی سماعت کیتی۔

ڈی جی ایل ڈی اے ڈسایا جو پارک دے جاہ تے سڑک صرف زبانی احکامات تے بنڑائی گئی ہئی۔چیف جسٹس کوڑیندے ہوئیں آکھیے جو بیوروکریسی سیاسی غلام بنڑ تے رہ گئی اے،اقربا پروری نہ چلنڑ ڈیسوں ،کیوں نہ اے معاملہ نیب کوں بھجوا ڈیووں ول تساں ہڑتال کریندے رہ ونجائے، جیندا کیس نیب دو ونجے او احتجاج یا ہڑتال تے آ ویندے۔ڈی جی ایل ڈی اے کیس نیب کوں نہ بھیجنر دی اپیل کیتی۔عدالت آکھیے جو معافی دا ویلھا لنگھ گئے ،ہنڑ داہ ڈینہہ دے اندرو پارک بحال کرتے رپورٹ ڈیوو۔عدالت ڈی جی ایل ڈی اے کوں 7 اپریل تئیں دا نوٹس جاری کریندے ہوئیں سماعت ملتوی کرڈتی۔