اسلام آباد (پاکستان نیوزپوائنٹ 20مارچ2018ء) حکومت پاکستان اتے ایشیائی ترقیاتی بینک وچال پاور ٹرانسمیشن انہانسمنٹ انوسٹمنٹ پروگرام کیتے 26 کروڑ ڈالر لاگت دے لون اینڈ پراجیکٹ دامعاہدہ تھی گئے۔ سیکریٹری اقتصادی امور ڈویژن سید غضنفر عباس جیلانی اتے ایشیائی ترقیاتی بینک دی کنٹری ڈائریکٹر شیاﺅ ہونگ یانگ لون ایگریمنٹ تے دستخط کیتے ۔تقریب اچ اے ڈی بی دے ڈائریکٹر جنرل برائے وسطی و مغربی ایشیائی ادارہ (سی ڈبلیو آر ڈی) ورنر ای لیپیک وی موجودہن۔
ڈوجھے پاور ٹرانسمیشن انہانسمنٹ انوسٹمنٹ پروگرام دے تحت ایشیائی ترقیاتی بینک 10 سال توں ودھ عرصے کیتے 81 کروڑ ڈالردیسی جیندے نال نویں پیداوار اتے پاور سپلائی دے نظام اچ چنگائی تھیسی۔این سانگے مالیاتی انتظام، ریگولیٹری ریلیشنز، منصوبہ بندی پراجیکٹ مینجمنٹ، ٹرانسمیشن سسٹم دی استعداد کار وی ودھسی۔انہان سرمایہ کاریاں نال بجلی دے شعبہ اچ ادارہ جاتی کارکردگی، کاسٹ ریکوری، مسابقت، شفافیت اتے گڈ گورننس وی چنگی تھیسی۔
سیکنڈ پاور ٹرانسمیشن انہانسمنٹ انوسٹمنٹ پروگرام دی ڈوجھی قسط 220 کلو واٹ دے میر پور خاص سب سٹیشن ایندیاں ٹرانسمیشن لائناں، ڈیرہ اسماعیل خان تا ژوب 220 کلو واٹ ٹرانسمیشن لائن، 220 کلو واٹ گدو ۔ شکارپور ۔ اوچ ۔ سبی ٹرانسمیشن لائن اتے سپروائزری کنٹرول اینڈ ڈیٹا ایکوزیشن سسٹم، ریونیو میٹرنگ سسٹم کیتے استعمال تھیسی۔
