تعلیم کامیاب مستقبل دے حصول دا بہترین ذریعہ اے،ماءپیو دیاں دعاواں تے استاد دے احترام نال انسان کڈاہیں ناکام کائنی تھیندا ، وفاقی وزیر داخلہ احسن اقبال

تعلیم کامیاب مستقبل دے حصول دا بہترین ذریعہ اے،ماءپیو دیاں دعاواں تے استاد دے احترام نال انسان کڈاہیں ناکام کائنی تھیندا ، وفاقی وزیر داخلہ احسن اقبال

لاہور(پاکستان نیوزپوائنٹ 17مارچ2018ء) وفاقی وزیر داخلہ احسن اقبال آکھیے جو تعلیم کامیاب مستقبل دے حصول دا بہترین ذریعہ اے ،دنیا اچ ایجوکیشن تے محنت او زینے ہن جیں نال انسان وڈی آساڈی نال ہر منزل حاصل کر گھندے ،ماءپیو دیاں دعاواں تے استاد دے احترام نال انسان کڈاہیں وی ناکام کائنی تھیندا ۔اے گال انہاں گزریل ڈینھ اتھاں صوبائی دار الحکومت لاہور دے علاقے شاہ جمال اچ ”آپا نثارفاطمہ ہائی سکول“ اچ چنگی کاکردگی حاصل کرنڑ آلے طلبا تے طالبات سانگے منعقدہ سالانہ تقریب تقسیم انعامات نال خطاب کریندے ہوئیں کیتی ۔

ایںموقع تے چیئرمین پاکستان انجینئرنگ کونسل جاوید قریشی،ڈین انسٹیٹیوٹ آف اےجوکےشن اےنڈ ریسرچ پنجاب یونیورسٹی ممتازاختر،مسزطاہر ملک،پرنسپل بسمہ اللہ تے والدین سمیت بالاں دی وڈی تعداد موجود ہئی ۔وفاقی وزیر داخلہ احسن اقبال آکھیا جو ہر ماءپیو اپنڑے بال سانگے چنگی تعلیم دا بندوبست کرے،خصوصا طالبات دی تعلیم سانگے بہتر انتظام کیتا ونجے ،اج ملکی تے غیر ملکی تعلیمی اداریں اچ بالڑیاں چنگیاں پوزیشناں حاصل کرتے ملک دا ناں روشن کریندیاں پن اساکوں اپنڑیاں دھیریں تے فخر اے ۔

بالڑیاں کوں تعلیم دے ودھ سارے موقع ڈیو ایہا تعلیم انہاں دے مستقبل اچ کامیابی دا دروازہ کھول ڈیسی ۔انہاں آکھیا تعلیم دا مقصد پیسا کماونڑ نی ہوونڑاں چاہیدا بلکہ ایجوکیشن نال انسانی کوں انسانیت دا شعور ڈتا ونجے ۔