حکومت عام آدمی دی تعلیم، صحت اتے پیونڑ دے صاف پانڑی سمیت بئے مسئلے حل کریندی پئی اے،، ڈاکٹر مصدق ملک

اسلام آباد (پاکستان نیوزپوائنٹ 13مارچ2018ء) وزیراعظم دے معاون خصوصی برائے میڈیا امور ڈاکٹر مصدق ملک آکھیا جو حکومت عام آدمی دی تعلیم، صحت اتے پیونڑ دے صاف پانڑی سمیت بئے مسئلے حل کریندی پئی اے۔منگل کوں ہک نجی ٹی وی چینل نال گالھ مہاڑ کریندیں ہوئیں انہاں آکھیا جو ملکی عوام کوں فائدہ پجاونڑ سانگے ایوان بالا اچ انہاں دے سارے مسئلیاں تے روشنی پاتی ویسی۔سینیٹ دے اعلیٰ ترین فورم تے قومی معاملیاں تے اتفاق رائے سانگے انہاں متعلقہ حلقیاں تے زور ڈتا۔انہاں بئیا آکھیا جو پاکستان مسلم لیگ (ن) یکا قومی معاملیاں تے اتفاق رائے پیدا کیتے۔