وزیراعظم سینیٹ دے چیئرمین تے ڈپٹی چیئرمین دے الیکشن دے موقع تے مہمانوں دی گیلری اچ پی ٹی آئی دے رکن قومی اسمبلی نال پیش آونڑ آلے ناخوشگوار واقعے تے معافی منگ گھدی اے ایندے تے بئی گال نہ کیتی ونجے، سپیکر قومی اسمبلی

اسلام آباد (پاکستان نیوزپوائنٹ 13مارچ2018ء) سینیٹ دے چیئرمین تے ڈپٹی چیئرمین دے الیکشن دے موقع تے مہمانوں دی گیلری اچ پی ٹی آئی دے رکن قومی اسمبلی تے کجھ مہماناں وچال پیش آونڑ آلے ناخوشگوار واقعے تے ارکان دے تحفظات دا نوٹس گھندے ہوئیں قومی اسمبلی آکھیا جو وزیراعظم ایں واقعے دی معافی منگ گھدی اے ایندے تے زیادہ گال نہ کیتی ونجے ۔منگل کوں قومی اسمبلی اچ اعتراض دے نکتے تے شیریں مزاری آکھیا جو اساڈے رکن قومی اسمبلی دے نال سینیٹ اچ گزریل ڈینھ جیرھا واقعہ پیش آیا او افسوسناک اے تے جمہوری روایات دے منافی اے ،اساں ایں واقعے دی مذمت کریندوں ۔سپیکر آکھیا ایں معاملے تے وزیراعظم معذرت کر گھدی اے ۔