اسلام آباد(پاکستان نیوزپوائنٹ 13مارچ2018ء) وفاقی وزیر داخلہ احسن اقبال آکھیے قانون نافذ کرنڑ آلے ادارے سارے پاکستانیاں کوں ہک نظر نال ڈیکھدن ،کہیں نال لسانی امتیاز نی کیتا ویندا ،کہیں مخصوص قوم دے خلاف رویہ اختیار کرنڑ دے سخت مخالف ہوں ،پختوناں دیاں پاکستان دے استحکام اچ وڈیاں قربانیاں ہن ۔منگل کوں قومی اسمبلی اچ شہریار آفریدی دے پختوناں کوں عام دیوانی مقدمیںتے جھیڑیں اچ کٹر مجرم گرداونڑ دے حوالے نال توجہ ڈیواﺅ نوٹس دا جواب ڈیندے ہوئیں وزیر داخلہ آکھیا جو قانون نافذ کرنڑ آلے اداریں اچ سارے پاکستانیاں کوں ہک نظر نال ڈٹھا ویندے ،کہیں نال لسانی امتیاز نی کیتا ویندا ۔
انہاں یقین ڈوایا جو پاکستان دے کہیں حصے اچ قانون نافذ کرنڑ آلے اداریں اچ کوئی ایجھی پالیسی کائنی جو زبان یا قومیت دی بنیاد تے کہیں نال کاروائی کیتی ونجے ۔پاکستان اچ افغان مہاجراں دی ہک وڈی تعداد اے او پاکستان دی شہریت حاصل کرنڑ چاہندی اے انہاں کوں فلٹر کرنڑ دی وجہ توں نادرا پالیسی بنڑائی گی اے ۔ہک سوال دے جواب اچ انہاں آکھیا اساں ساریں کوں بحیثیت سیاسی کارکن اختلاف رکھیندے ہوئیں حوصلہ پیدا کرنڑاں اے او ہک ڈوجھے دا احترام کرن ۔
