پاکستان پیپلز پارٹی دے نامزد امیدوار سلیم مانڈوی والا 10 ووٹاں دی اکثریت نال ڈپٹی چیئرمین سینیٹ منتخب

اسلام آباد (پاکستان نیوزپوائنٹ 12مارچ2018ء) پاکستان پیپلز پارٹی اتے اتحادی جماعتاں دے نامزد امیدوار سلیم مانڈوی والا 10 ووٹاں دی اکثریت نال ڈپٹی چیئرمین سینیٹ بنڑ گن۔ سلیم مانڈوی والا 54 اتے مسلم لیگ (ن) اتے اتحادیاں دے امیدوار عثمان کاکڑ 44 ووٹ گھدن۔ووٹنگ اچ 98 ارکان حصہ گھدا۔رائے شماری دے بعد چیئرمین اعلان کیتا جو ڈپٹی چیئرمین سینیٹ دے انتخاب کیتے 98 ووٹ آئن، سلیم مانڈوی والا 54 اتے عثمان کاکڑ 44 ووٹ گھدن۔ چیئرمین منتخب تھیونڑ تے ڈپٹی چیئرمین تون عہدے دا حلف گھدے۔