ملک اچ رجسٹرڈ کمپنیاں دی تعداد چوراسی ہزار آٹھ سو نوتئیں پج گئی اے،ایس ای سی پی

ملک اچ رجسٹرڈ کمپنیاں دی تعداد چوراسی ہزار آٹھ سو نوتئیں پج گئی اے،ایس ای سی پی

اسلام آباد (پاکستان نیوزپوائنٹ 12مارچ2018ء) سکیورٹیز اینڈ ایکسچینج کمیشن آف پاکستان اپنڑی ہک رپورٹ اچ آکھیے جو ملک اچ رجسٹرڈ کمپنیاں دی تعداد چوراسی ہزار آٹھ سو نوتئیں پج گئی اے،نویاں رجسٹرڈ تھیونڑ آلیاں کمپنیاں اچ اکیاسی فی صد پرائیویٹ لمیٹڈ،ستارہاں فی صد سنگل ممبرکمپنی دے طور تے رجسٹرڈ تھین،ڈو فی صد کمپنیاں پبلک ان لسٹڈ، غیر منافع بخش ایسوسی ایشن اتے غیر ملکی کمپنیاں دے طور تے رجسٹرتھین۔

فروری اچ ہک ہزار کوی نویاں کمپنیاں رجسٹر تھین جیہڑیاں گذریل سال ایں مہینے دے مقابلہ اچ انوی فیصد قدھ ہین۔ای ای سی پی موجب فروری اچ سب توں ودھ کمپنیاں خدمات دے شعبے اچ رجسٹرڈ تھین جیندی تعداد ہک سو بائٹھ اے۔ تجارتی شعبے اچ ہک سو پینتالی، انفرمیشن ٹیکنالوجی اچ ہک سوویہہ ، تعمیرات اچ یارہاں سویارہاں ، سیر و سیاحت اچ ستالی، خوراک و مشروبات اچ انتالی، کارپوریٹ پیشہ زراعت اچ اٹھتری ، تعلیم اچ تریہہ ،انجنیئرنگ اتے ریئل اسٹیٹ اچ ستاوی، مواصلات اچ چووی ، ٹیکسٹائل اچ باوی، ادویہ سازی اچ ستارہاں ، کان کنی اچ پندرہاں، شعبہ صحت، بجلی دی مصنوعات، توانائی اتے ایندھن اچ چوڈاں چوڈاں کمپنیاں رجسٹرڈ تھین۔

ایں مہینے چالہی نویاں کمپنیاں اچ غیر ملکی سرمایہ کاری تھئی۔جیندے اچ ارجنٹینا، چین، ڈنمارک، جرمنی، کینیا، جنوبی کوریا، لبنان، سنگاپور، سویڈن اتے امریکہ دے سرمایہ کار شامل ہین۔