اسلام آباد(پاکستان نیوزپوائنٹ 12مارچ2018ء) صدر مملکت ممنون حسین نال امام کعبہ شیخ صالح بن محمد الطالب ملاقات کیتی،امام کعبہ عالم اسلام اچ بدامنی اتے عدم استحکام دا شکار عوام دی مدد کیتے ہک نظام دی تجویزڈتی،صدر مملکت ممنون حسین عزم کیتے جو پاکستان دا سعودی عرب نال ہمیشہ تعاون راہسی ۔ایوان صدر اسلام آباد اچ تھیونر آلی ملاقات اچ وفاقی وزیر مذہبی امور سردار محمد یوسف، وفاقی وزیر مواصلات عبدالکریم، سینیٹر ساجد میر اتے سعودی سفیر نواف بن سعید المالکی وی موجود ہن۔
صدر مملکت حج اتے عمرے کیتے بہترین اقدامات تے سعودی حکومت دا شکریہ ادا کیتا۔صدر مملکت آکھیا جو پاکستان سعودی حکومت دے وژن 2030ءدی مکمل حمایت کریندے جیندے نال علاقے اچ استحکام تھیسی اتے معیشت مضبوط تھیسی۔اسلام دے خلاف منفی پروپیگنڈے دے توڑ کیتے پاکستان اتے سعودی عرب رل تے کم کریندے پن،مسلم دنیا دے بدامنی توں متاثرہ علاقیاں دے عوام دی بحالی کیتے سانجھی مشاورت نال ہک نظام قائم تھیونڑا چاہیدے، پاکستان اینجھا مضبوط سعودی عرب چاہندے جیندے تے پوری دنیا اکھ نہ چاءسگے۔ایں موقع تے امام کعبہ پاکستان کوں سعودی عرب دی طاقت قرارتڈتے۔انہاں آکھیے جو عالم اسلام دے اتحاد اتے بئے مسلیاںنال نمٹنڑ کیتے صدر ممنون دی تجاویز نال سعودی عرب اتے او متفق ہین۔
