اسلام آباد (پاکستان نیوز پوائنٹ 10ستمبر 2016ء) پاکستان حج مشن مکہ اچ پاکستانی عازمین حج دی مدد 'رہنمائی اتے فلاح سانگے 1600اہلکاراں تے مشتمل عملہ تعینات کر ڈتے ۔ نجی ٹیلی ویژن دے مطابق حج دے مناسک شروع تھی گئے ہن ۔ ساری دنیا اچوں آئے ہوئے اتے سعودی عرب اچ راہونڑآلے لکھوں افراد لبیک الھم لبیک دیاں صداواں بلند کریندے ہوئیں منٰی اچ قائم خیمیاں دے شہر اچ گزریل رات تو ں ہی پہنچنڑاں شروع تھی گئے جتھاں انہاں نماز ظہر ' عصر ' مغر ب اتے عشاء دیاں نمازاں دی ادائیگی دے بعد اج اتوار کوںرکن اعظم و قوف عرفات ادا کریسن۔
سعودی حکومت لکھاں مسلماناں ولوں حج دی ادائیگی کیتے سارے انتظامات پورے کر گھدے ہن ۔ منٰی اچ سارے حاجیاں کوں کوں انہاںدے معلمین دے ذریعے خیمے الاٹ کرڈتے گئے ہن۔ پاکستان توں ونجنڑآلے سارے حجاج کرام کوں رہائش،سفر اتے بہترین طبی سہولتاں ڈتیاں ویندیاں پن اتے انہاں دیاں شکایتاں ویلھے سر حل کرنڑ سانگے کال سنٹر وی بنڑائے گئے ہن ۔
