اسلام آباد (پاکستان نیوز پوائنٹ 09ستمبر 2016ء) نیشنل پروگرام منیجر ای پی آئی پروگرام ڈاکٹر ثقلین احمد گیلانی آکھے جو بالیں کوں خطرناک اتے جان لیوا بیماریاں توں تحفط ڈیواونڑ اتے حفاظتی ٹیکہ جات پروگرام کوں مستحکم بنڑاونڑ کیتے عالمی بینک اتے قومی حفاظتی ٹیکہ جات پروجیکٹ (این آئی ایس پی) معاہدے تے دستخط کر گھدے ہن ، پروگرام دے تحت وفاقی اتے صوبائی حکومتاں کولوں قومی اتے صوبائی بجٹ اچ ویکسین دی خریداری اتے حفاظتی ٹیکہ جات دی ترسیل دی خدمات بارے مناسب اتے پائیدار فنڈز دستیاب ہوسن۔
جمعے کوں اے پی پی نال گالھ مہاڑ کریندے ہوئیں انہاں آکھیا جو وفاقی حکومت ولوں ویکسین دی خریداری کیتے صوبائی انتظامیہ آپنڑاں حصہ ادا کرے۔ انہاں آکھیا جو عالمی بینک دا وفد ترقیاتی سانجھے داراں دے تعاون نال 14 توں 29 جولائی کوں پاکستان دا دورہ کر چکے، جیندے اچ مشترکہ نگرانی اتے مشن دا جائزہ گھدا گئے تانجو قومی حفاظتی ٹیکہ جات دے معاون منصوبے دے تحت فنڈنگ کیتی ونج سگے اتے مجموعی طورتے عملدرآمد دی صورتحال، ادارہ جاتی اتے مالیاتی انتظامات تے وی تبادلہ خیال کیتا۔
