اسلام آباد (پاکستان نیوز پوائنٹ 09ستمبر 2016ء) قومی اسمبلی کو ں ڈسایا گیا جو مارچ 2013ء توں 31 جولائی 2016ء دے دوران اخبارات ' رسائل تے جریدیاں کوں ست ارب 28 کروڑ 80 لکھ روپے جڈانجو الیکٹرانک میڈیا کوں ڈو ارب 77 کروڑ 50 لکھ روپے دے سرکاری اشتہارات ڈتے گئے ہن ۔ جمعے کوں قومی اسمبلی اچ سوالیںدے وقفے دے دوران صاحبزادہ طارق اللہ دے سوال دے جواب اچ وزارت اطلاعات و نشریات ولوں اے گالھ ڈسائی گئی ۔
آکھیا گیا جو علاقائی اخبارات کیتے اشتہارات دا 25 فیصد کوٹہ مختص ہے۔ انہاں ڈسایا جو سنٹرل میڈیا لسٹ تے موجود اخبارات اتے میڈیا کوں ہی اشتہارات ڈتے ویندے ہن ،جیندا باضابطہ آڈٹ کروایا ویندے ۔ فرحانہ قمر دے سوال دے جواب اچ مریم اورنگزیب ڈسایا جو صحافیاں دی سلامتی اتے تحفظ کیتے صحافیاں کوں تربیت ڈتی ویندی پئی ہے ۔
