اسلام آباد (پاکستان نیوز پوائنٹ 08ستمبر 2016ء) وفاقی وزیر داخلہ چوہدری نثار علی خان دے حکم تے فیڈرل انوسٹی گیشن ایجنسی (ایف آئی اے ) غیر ملکیاں کوں شناختی کارڈ جاری کرنڑ وچ ملوث ڈو نادرا اہلکاراں کوں گرفتار کر گھدا گئے ۔ محمد کامران اتے راؤ محمد وسیم کوںکراچی اتے اسلام آباد توں گرفتار کیتا گئے۔ ترجمان وزرات داخلہ دے مطابق وفاقی وزیر داخلہ چوہدری نثار علی خان دی ہدایت تے ایف آئی اے غیرملکیاں کوں قومی شناختی کارڈ جاری کرنڑ دے خلاف پورے ملک وچ کریک ڈائون شروع کر ڈتا ہے ۔
ترجمان دے مطابق محمد کامران اتے رائو محمد وسیم دی نشاندہی وی ایں مہم دے دوران تھئی۔ محمد کامران کراچی دا رہائشی اتے 2003توں نادرادا ملازم ہے۔ راؤ محمد وسیم 2004 توں نادرا وچ ملازم ہے اتے چوہڑ چوک راولپنڈی وچ تعینات ہا۔وفاقی وزیر داخلہ چوہدری نثار علی خان آکھیا ہے جو غیر ملکیاں کوں پاکستانی شناخت فراہم کرنڑ آلے اتے ملکی سلامتی کو ںداؤ تے لاونڑ آلے کہیں رعایت دے مستحق کائنی'انہاں نادرا حکام کوں جعلی شناختی کارڈزدے اجرا وچ ملوث عناصر دے خلاف کارروائی تکھی کرنڑدی ہدایت کیتی ہے ۔
