اسلام آباد (پاکستان نیوز پوائنٹ 08ستمبر 2016ء) پاکستان سمیت پوری دنیا وچ خواندگی دا عالمی ڈینھ خمیس کوںمنایا گئے ۔خواندگی دا عالمی ڈینھاقوام متحدہ دے ذیلی ادارے یونیسیکو دے تحت ہر سال 8ستمبر کوں منایا ویندا ہے جیندا مقصد پوری دنیا دے کروڑاں ناخواندہ بندیاں کوں تعلیم دی اہمیت بارے روشناس کراونڑ ہے تاں جو پوری دنیا دے کروڑاں مرد ،تریمتاں اتے بالاں کوں امید ڈیوائی ونج جا سگے جوا وہ تعلیم دے حصول آلے پاسے راغب ہونڑ تاں جو اپنڑاں ناں نی لکھ سگدے ا وہ وی ایں قابل تھی ونجنڑ جوکجھ پڑھ لکھ سگن۔
خواندگی دے عالمی ڈینھ دے حوالے نال پورے ملک دے سارے شہراں وچ انسانی حقوق دیاں تنظیماں، شرح خواندگی وچ ودھارے دے حوالے نال کم کرنڑ آلے اداریاں اتے سماجی تنظیماں دے زیر اہتمام مختلف تقریبات دا انعقاد کیتا گیا۔ اقوام متحدہ دی رپورٹ دے مطابق پوری دنیا وچ ناخواندہ بندیاں دی تعداد 775 ملین ہے جیندے وچ 64 فیصد تعداد تریمتاں دی ہے۔
