اسلام آباد (پاکستان نیوز پوائنٹ 08ستمبر 2016ء) پورے ملک وچ خمیس کوں یوم بحریہ پورے جوش جذبے ںنال منایا گیا ۔نجی ٹیلی ویژن دے مطابق خمیس کوں یوم دفاع دے سلسلے وچ پورے ملک وچ 8 ستمبر یوم بحریہ دے حوالے نال منایا گیا۔1965 دی جنگ دے دوران پاک بحریہ وی افواج پاکستان دے نال رل تے دشمن کوں نک نال چنڑے کھوائے، پاک بحریہ چھوٹے حجم دے باوجود اپنڑی حدود وچوں سو ناٹیکل میل دور کامیاب آپریشن کریندے ہوئیں دشمن دے جدید ترین ریڈار سسٹم کوں تباہ کر ڈتا اتے بھارتی فریگیٹ کو دوارکا کوں میزائل مار تے تباہ کر ڈتا ہا ۔
پاک بحریہ ایں آپریشن کوںسومنات تے اٹھارواں حملہ وی آکھیا ویندے۔پاک بحریہ ولوںپی این ایس بابر ، خیبر، بدر، جہانگیر، شاہ جہاں، عالم گیر، ٹیپو سلطان اتے غازی حصہ گھدا اتے بھارتی گجرات دے ساحلاں تے سبز ہلالی جھنڈے دی برتری کوں ثابت کیتا جیکوںبھارت کڈائیں وی نی بھلا سگدا۔ واضح رہوے جو پاک بحریہ اج کئی گنا ودھ طاقت ور، جدید سازو سامان، میزائل اتے دفاعی نظام نال لیس دنیا دی چنگی فوج وچوں ہک ہے جیندی دہشت دشمن دے دلاں وچ پہلے توں ودھ گئی ہے۔ ایجھی ہیبت جیرھی دشمناں کوں مادر وطن ول میلی اکھ چاونڑ دا تصور وی کرنڑ توں روکے ہوئے ہے۔
