اسلام آباد (پاکستان نیوزپوائنٹ 14 فروری2018ء) وزیرمملکت توانائی چوہدری عابد شیر علی آکھیے جو بجلی چوری نال ضیان 40فیصد توں ودھ ہن ،صوبائی حکومتاں بجلی چوری روکنڑ سانگے وزارت ولوں چاتے گے اقدامات اچ تعاون کائنی کریندیاں پیاں ،لوڈ مینجمنٹ سانگے اقدامات 31مارچ تئیں پورے کر گھنسوں ۔بدھ کوں قومی اسمبلی اچ سوالاں دے وقفے دے دوران طاہرہ اورنگزیب دے سوال دے جواب اچ وزیر مملکت توانائی چوہدری عابد شیر علی ڈسایا جو ملک اچ ایں ویلھے کوئی لوڈشیڈنگ کائنی تھیندی پئی ، مختلف علاقیں اچ بجلی چوری دی شرح بہوں ودھ اے ،اساں ایندے اچ 1.8 فیصد فیصد گھٹکی آندی ،اساں قانون منظور کرائے ، تاں جو صوبائی حکومتاں ولوں ایں ضمن اچ تعاون نی کیتا ویندا پیا ،اساں بجلی چوراں دے خلاف ایف آئی آر کٹویندوں تاں ایندے تے عمل کائنی تھیندا ،، مجبوراً اساکوں مین فیڈر بند کرنڑیں پوندن ۔
انہاں سپیکر کوں آکھیا جو اے قومی خزانہ تے پاکستان دی گال اے صوبیں کوں آکھن جو او تعاون کرن ۔
