اسلام آباد (پاکستان نیوزپوائنٹ 13 فروری2018ء) وزارت خزانہ ولوں قومی اسمبلی کوں ڈسایا گیا جو اجوکے سال بجٹ اچ زرعی قرضے جاری کرنڑ سانگے 1001 ارب روپے رکھیے گن ،زرعی قرضیں سانگے فنڈنگ دا کوئی مسئلہ کائنی ۔بینک قرضہ انہاں کاشتکاراں کوں جاری کریندے جنہاں توں ریکوری تھیندی اے ،بینک تے کاشتکار وچال تعلقات کوں بہتر بنڑاونڑ سانگے اقدامات کریندے پیوں ، زرعی ترقیاتی بینک دی مالی حالت اتنی خراب ہے جو سٹیٹ بینک توں 44 ارب روپے دا قرضہ حاصل کر رکھیا اے۔
سنوار کوںقومی اسمبلی اچ سید نوید قمردے پنجاب اتے ملک دے باقی حصیں وچال فارم قرضہ جات دی ونڈ اچ عدم مساوات دے حوالے نال توجہ کراونڑ دے نوٹس دا جواب ڈیندے ہوئیں وزیر مملکت خزانہ رانا محمد افضل خان آکھیا جو قرضے دے ناں تے فارم ہر صوبے اچ قابل کاشت زمین کوں سامنڑے رکھنڑ دا فارمولا ترتیب ڈتا گے ۔پنجاب اچ زیر کاشت رقبہ 77 فیصد، سندھ اچ 12 فیصد، کے پی کے اچ 5 فیصد، بلوچستان اچ 6 فیصد ہے ایں لحاظ نال پنجاب کو ں72500 ملین، سندھ کوں 14092 ملین، کے پی کے کوں 7300 ملین اتے بلوچستان 6600 ملین روپے دا زرعی قرضہ ڈتا گے ۔
