لودھراں دی عوام عمران خاں دی سیاست کوں مسترد کر ڈتا ہے، عائشہ گلا لئی

لودھراں دی عوام عمران خاں دی سیاست کوں مسترد کر ڈتا ہے، عائشہ گلا لئی

اسلام آباد (پاکستان نیوزپوائنٹ 13 فروری2018ء) پاکستان تحریک انصاف دی رکن قومی اسمبلی عائشہ گلا لئی آکھیا ہے جو لودھراں دی عوام عمران خاں دی سیاست کوں مسترد کرڈتاہے۔ منگل کوں پارلیمنٹ ہاﺅس دے باہر میڈیا نال گالھ بات کریندے ہوئیں انہاں آکھیا جو لودھراں دی عوام عمران خان اینڈ کمپنی اتے انہاں دی سیاست کو ںمسترد کر ڈتا ہے۔انہاں آکھیا جو عوام منہ ڈنگا کر تے انگریزی بولنڑ آلے ارب پتیاں کوں وی مسترد کرڈتاہے۔

انہاں آکھیا جو جنوبی پنجاب دے لوکاں کوں نوٹاں نال کوئی مل نی خرید سگدا ، عوام جیت گئی، نوٹ ہر گئے۔ ارب پتی سمجھدے ہن جوپیساں نال سبھ کجھ خریدیا ونج جا سگدے۔ ہیلی کاپٹر، جہاز سبھی پیچھی تے رہ گئے۔ انہاں آکھیا جو میں پاکستان اتے جنوبی پنجاب دی عوام کوں پیغام ڈیونڑ چاہندی ہاں جو ا وہ آئندہ عام انتخابات اچ وی انہاں کھرب پتیاں کوں مسترد کرڈیونڑ۔