اقوام متحدہ اتے عالمی برادری دا کشمیر بارے دوہرا معیار ہے، کیا کشمیریاں دا قصور اے ہے جو او مسلمان ہن اتے انہاں دے علاقے اچوں تیل نہیں نکلدا، مشاہد حسین سید

اقوام متحدہ اتے عالمی برادری دا کشمیر بارے دوہرا معیار ہے، کیا کشمیریاں دا قصور اے ہے جو او مسلمان ہن اتے انہاں دے علاقے اچوں تیل نہیں نکلدا، مشاہد حسین سید

اسلام آباد (پاکستان نیوز پوائنٹ 07ستمبر 2016ء) سینٹ دی قائمہ کمیٹی دفاع دے چیئرمین اتے کشمیر تے لابنگ کیتے اقوام متحدہ اتے امریکہ کیتے نامزد نمائندے مشاہد حسین سید آکھے جو کشمیریاں دی تحریک خالصتاً مقامی ہے، اقوام متحدہ اتے عالمی برادری دا کشمیر بارے دوہرا معیار ہے، کیا کشمیریاں دا قصور اے ہے جو او مسلمان ہن اتے انہاں دے علاقے اچوں تیل کائنی نکلدا، جو انہاں دے حق خودارادیت کیتے مشرقی تیمور اتے جنوبی سوڈان دے طرح تے حمایت کائنی کیتی ویندی پئی ۔

ہر انسان دا فرض ہے جو او کشمیریاں دی جائز جدوجہد دی اخلاقی، سیاسی اتے سفارتی حمایت کرے۔بدھ کوں مسئلہ کشمیر تے لابنگ اتے مقبوضہ کشمیر اچ موجودہ بھارتی ظلم و ستم اتے انسانی حقوق دیاں سنگین خلاف ورزیاں بارے اقوام متحدہ اتے امریکہ کوں ڈساونڑ سانگے وزیراعظم دے نامزد نمائندے مشاہد حسین سید ''اے پی پی'' نال خصوصی گالھ مہار کریندے ہوئیں اے گالہیں آکھیاں۔

انہاں دا آکھنڑ ہئی جو کشمیر اچ ہک ایں طرح دی جدوجہد جاری ہے جیندے اچ کشمیر دا ہر بال ، نینگر ، تریمت اتے مرد شامل ہن ۔ او گزریل کئی ڈھاکیاں توں ہتھوں خالی ہونڑ دے باوجود ہندوستان دی قابض افواج دے ظلم و ستم دا مقابلہ کریندے پئے ہن ۔ انہاں دی جدوجہد آزادی اچ انہاں کولوں کئی وی باہرلی امداد کائنی ، جڈانجو اے خالصتاً مقامی تحریک ہے ایندے توں وڈیاں انسانی حقوق دیاں خلاف ورزیاں اتے خطے دے پائیدار امن کوںبیا کیا خطرہ تھی سگدے جتھاں خطے اچ ڈو ایٹمی طاقتاں آمنڑیں سامنڑیں ہوون۔

انہاں آکھیا جو اج توں 51سال پہلے پاکستان اتے بھارت وچال ایں مہینے تھیونڑآلی جنگ دی بنیادی وجہ وی کشمیر دا مسئلہ ہی ہئی ، ہنڑ حالات تبدیل تھی گئے ہن ۔ انہاں ڈسایا جو اکتوبر دے پہلے ہفتے اچ دورے تے ویسن، ایں بارے وزارت خارجہ ولوں باقاعدہ طور تے بریفنگ تھی گئی ہے ۔