اسلام آباد (پاکستان نیوز پوائنٹ 07ستمبر 2016ء) سارے ملک اچ پاک فضائیہ آپنڑیاں ساریاں فضائی مستقراں (ایئر بیسز) تے بدھ کوں یوم شہداء منایا۔ ائیر ہیڈ کوارٹرز اسلام آباد اچ ہک سادہ جڈانجو پر وقار تقریب تھئی جیندے اچ پاک فضائیہ دے سربراہ ائیر چیف مارشل سہیل امان شہیداں د ی یادگار تے پھلاں دیاں چادر چڑھائی ، اتے فاتحہ خوانی کیتی۔ تقریب اچ پرنسپل سٹاف آفیسرز اتے ائیر مین دی ہک وڈی تعداد شرکت کیتی ۔
ڈینھ دا آغاز1965 اتے 1971 دیاں جنگاں دے پاک فضائیہ دے شہیداں اتے انہاں سارے لوکیں کیتے خصوصی دعاواں اتے قرآن خوانی نال کیتا گیا جنہاں پاکستان دے وجود آونڑ توں گھن تے ہنڑ تئیں پاکستان کیتے آپنڑیاں جاناں قربان کیتن۔ ایں طرح پا ک فضائیہ دے ہک دستے ائیر وائس مارشل سلمان احسن بخاری، ائیر آفیسر کمانڈنگ ،سدرن ائیر کمانڈ دی سر کردگی اچ پاک فضائیہ دے سربراہ ائیر چیف مارشل طاہررفیق بٹ ولوں پائلٹ آفیسرراشد منہاس شہید (نشانِ حیدر) دی قبر رتے فاتحہ خوانی کیتی اتے پھلاں دی چادر چڑھائی۔ سارے ملک اچ پاک فضائیہ دے شہیداں دیاں قبراں تے وی پھلاں دیاں چادراں چڑھیاں گئن۔
