حکومت پورے ملک اچ ہکو سنویں ترقی اتے خوشحالی کیتے پرعزم ہے،خوشحالی دا عزم جاری راہسی

چترال (پاکستان نیوز پوائنٹ 07ستمبر 2016ء) وزیراعظم محمد نواز شریف آکھے جو حکومت پورے ملک اچ ہکو سنویں ترقی اتے خوشحالی کیتے پرعزم ہے اتے خوشحالی دا عزم جاری راہسی ۔ اے گالہیںانہاں دورہ چترال دے موقعے تے حالیہ سیلاب اتے زلزلہ توں متاثرہ لوکیں دی بحالی بارے ڈتی ونجنڑ آلی بریفنگ دے موقعے تے آکھیاں۔ وزیراعظم ایں عزم دا اظہار کیتا جو چترال اچ سارے ترقیاتی منصوبے لوکیں دیاں خواہشاں دے مطابق پورے کیتے ویسن۔ ڈسٹرکٹ کوآرڈینیشن آفیسر چترال اسامہ وڑائچ وزیراعظم کو ں انہاں متاثرین دی بحالی کیتے چاتے گئے اقدامات بارے ڈسایا۔ انہاں وفاقی حکومت ولوں بحالی دیاں سرگرمیاں اچ پورے تعاون دی تعریف کیتی۔