ملک دے 97 ضلعیاں اچ موسمیاتی معلومات حاصل کرنڑکیتے میٹرولوجیکل سٹیشن قائم ہن ، محکمہ موسمیات

ملک دے 97 ضلعیاں اچ موسمیاتی معلومات حاصل کرنڑکیتے میٹرولوجیکل سٹیشن قائم ہن ، محکمہ موسمیات

اسلام آباد (پاکستان نیوز پوائنٹ 07ستمبر 2016ء) پاکستان دے 97 ضلعیاں اچ موسمیاتی معلومات حاصل کرنڑ کیتے میٹرولوجیکل سٹیشن قائم ہن جڈانجو 40 ضلعیاں اچ کئی موسمیاتی سٹیشن موجود کائنی ۔ ایں بارے محکمہ موسمیات پاکستان دے ہک اعلیٰ عہدیدار ڈسایا جو ایں ویلھے اسلام آباد، منگلا، سیالکوٹ، لاہور، رحیم یارخان، ڈیرہ اسماعیل خان اتے کراچی اچ 7 ریڈار موجود ہن جیہڑے جو پورے ملک دے تقریباً 60 فیصد حصے کوں کور کریندے ہن ۔

ایں توں علاوہ زلزلہ دی پیمائش بارے 20 سیسمک سٹیشنز وی قائم ہن جیہڑے جو ملک دے مختلف حصیاں اچوں زلزلے بارے معلومات ڈیندے ہن ۔ موسمیاتی ڈیٹا دے بہوں سارے آلات بہوں پرانڑیں ہے اتے موسمیاتی تبدیلی دے موجودہ رجحان دے تحت پیشن گوئی دی لو ڑکوں پورا نہیں کر سگدے ۔ انہاں آکھیاجو محکمہ موسمیات پاکستان کوں جدید بنڑاونڑ کیتے حکومت پاکستان کوں ہک جامع تجویز پیش کیتی گئی ہے جیند اعلیٰ سطح تے جائزہ گھدا ویندا پئے ۔