پاک فضائیہ ملک کوں میلی اکھ ڈیکھنڑ آلیاںکوں منہ تروڑ جواب ڈیونڑ دی صلاحیت رکھیندی ہے،ایئر مارشل(ر) ایاز احمد

پاک فضائیہ ملک کوں میلی اکھ ڈیکھنڑ آلیاںکوں منہ تروڑ جواب ڈیونڑ دی صلاحیت رکھیندی ہے،ایئر مارشل(ر) ایاز احمد

اسلام آباد (پاکستان نیوز پوائنٹ 07ستمبر 2016ء) دفاعی تجزیہ کار ایئر مارشل(ر) ایاز احمد آکھیا ہے جو 6 ستمبر 1965 ءدے ڈینھ پاک شاہیناں بھارت دے 22 لڑاکا جہازاں کوں تباہ کیتا جیندے بعد بھارتی فضائیہ پاکستان دا رخ کائناںکیتا ہا۔ ریڈیو پاکستان نال گالھ مہاڑ کریندے ہوئیں انھاں آکھیا جو 6 ستمبر دی سویل بھارتی فضائیہ ولوں پاکستان تے حملہ پاک فضائیہ سانگے بہوں وڈا چیلنج ہا جیندا منہ تروڑ جواب ڈتا گیا اتے اوں ویلھے دے پائلٹ تمغہ جرات سجاد حیدر پٹھان کوٹ تے بمباری کر تے بھارت دے 13 لڑاکا طیارے تباہ کر ڈتے اتے ایں ڈینھ معروف پائیلٹ ایم ایم عالم سرگودھا تے حملے سانگے آونڑ آلے 5 بھارتی لڑاکا جہاز ہک منٹ دے اندر تباہ کرڈتے اتے مجموعی طور تے انھاں 9 بھارتی جہازاں کوں تباہ کیتا جیندے بعد بھارتی فضائیہ دے لڑاکا جہازاں پاکستان دا رخ نی کیتا ۔

ائیر ماشل (ر) ایاز احمد خان آکھیا جو ایں ویلھے اوہ لاہور دے علاقے وچ نان فائٹر بیس دے کمانڈر ہن اتھاں انہاں اوں ویلھے دے چیف ائیر ماشل نور خان توں درخواست کیتی جو انہاں کوں وی بھارت تے بمباری دی اجازت ڈتی ونجے تاہم ڈوڈینھ بعد ایہ اجازت مل گئی اتے انھاں وی بھارت دی سر زمین تے بمباری کر تے انہاں دے کئی جہاز تباہ کیتے اتے غازی دی حیثیت نال وطن واپس آئے۔ انھاں آکھیا جو پاک فضائیہ وطن دے دفاع دے جذبے نال اج وی سرشار ہے اتے ملک کوں میلی اکھ نال ویکھنڑ آلیاں کوں منہ تروڑ جواب ڈیونڑ دی صلاحیت رکھیندی ہے۔