6 ستمبر تریخ سازڈینھ اتے ایندی اہمیت 14 اگست آلی کار ہے۔

اساکوںاپنڑی فوج تے فخر ہے ' کشمیریاں دے حق خودارادیت اتے مسئلہ کشمیر کوں عالمی سطح تے اجاگر کرنڑ وزیراعظم نواز شریف دا وژن ہے ' ایں مقصد سانگے مختلف ملکاں وچ وفود بھجوائے ویندے پئے ہن وفاقی وزیر پارلیمانی امور شیخ آفتاب احمد دا قومی اسمبلی وچ خیالیں دا اظہار

6 ستمبر تریخ سازڈینھ اتے ایندی اہمیت 14 اگست آلی کار ہے۔
اساکوںاپنڑی فوج تے فخر ہے ' کشمیریاں دے حق خودارادیت اتے مسئلہ کشمیر کوں عالمی سطح تے اجاگر کرنڑ وزیراعظم نواز شریف دا وژن ہے ' ایں مقصد سانگے مختلف ملکاں وچ وفود  بھجوائے ویندے پئے ہن وفاقی وزیر پارلیمانی امور شیخ آفتاب احمد دا قومی اسمبلی وچ خیالیں دا اظہار

اسلام آباد (پاکستان نیوز پوائنٹ 06ستمبر 2016ء) وفاقی وزیر پارلیمانی امور شیخ آفتاب احمد آکھیاہے جو 6 ستمبر ہک تریخ سازڈینھ ہے' ایندی اہمیت 14 اگست آلی کار ہے' اساکوں اپنڑی فوج تے فخر ہے جنہاں اپنڑیاں جاناں دا نذرانہ پیش کرتے دشمن دارستہ روکیا' کشمیریاں دے حق خودارادیت اتے مسئلہ کشمیر کوں عالمی سطح تے اجاگر کرنڑ وزیراعظم نواز شریف دا وژن ہے ' ایںمقصد سانگے مختلف ملکاں وچ وفود بھجوائے ویندے پن۔

منگل کوں قومی اسمبلی دے اجلاس وچ خیالیں دااظہارکریندے ہوئیں انہاں آکھیا جو چھی ستمبر پاکستان سانگے ہک تریخ سازڈینھ ہے اتے ایندی اہمیت 14 اگست آلی کار ہے، 1965ء وچ بھارت پاکستان تے حملہ کرتے کجھ علاقیاں تے قبضے دا منصوبہ بنڑایا۔ اساکوں اپنڑی فوج تے فخر ہے جنہاں اپنڑیاں جاناں دا نذرانہ پیش کرتے انہاں دا رستہ روکیا۔ اج اگر اساں آزاد ہسے تاں ایندا سہرا انہاں کوں ویندا ہے جیرھے اپنڑیاں جاناں ڈے تے وطن دیاں سرحداں دی حفاظت کر یندے پن۔

انہاں آکھیا جو مثبت رستے تے چلنڑ آلے ای کامیاب تے کامران تھیندے ہن ۔وفاقی وزیر آکھیا جو متحدہ ہندوستان دی تقسیم ویلھے کشمیر دا مسئلہ ادھورا چھوڑ ڈتا گیا، کشمیریاں کوں انہاں دا بنیادی حق نی ڈتا گیا ۔ ہندوستان بندوق دی نوک تے اج تئیں انہاں کوں حق ڈیونڑ توں انکاری ہے۔ محض طاقت دے زور تے انہاں کوں غلام نی بنڑایا ونج جاسگدا۔انہاں آکھیا جو نواز شریف داایہ وژن ہے جو کشمیریاں دے حق خودارادیت اتے مسئلے کوں عالمی سطح تے اجاگر کیتا ونجے، ایں مقصد سانگے ہنڑ وفود مختلف ملکاں وچ بھجوائے ویندے پن۔

انہاں آکھیا جو افواج پاکستان دیاں صلاحیتاں اتے بہادری دا اعتراف عالمی سطح تے کیتا ویندا ہے، دہشت گردی دے خلاف جنرل راحیل شریف اتے افواج پاکستان نے ملک دے اندراتے باہر دے حالات وچ اہم قربانیاں ڈتیاں ہن جنہاں تے اساں انہاں کوں خراج تحسین پیش کریندوں۔ شیخ آفتاب احمدآکھیا وج اساکوں آپس وچ افہام تے تفہیم دی ضرورت ہے، اساکوں اپنڑے بالاںدے چنگے مستقبل دی گالھ کرنڑ پوسی ۔ چھی ستمبر دے شہیداں دا خون ضائع کائناں ویسی ۔ نواز شریف ملک کوں دلدل توں کڈھنڑ وچ کامیاب ہوسن۔انہاں آکھیا جو نواز شریف ہر ہک کوں ملازمت' ترقی' غربت مکاونڑ دا وژن رکھیندے ہن، اتے ایں وژن تے چلدے ہوئیں منزل مقصود تئیں پج گئے۔