عوام کوں بنیادی سہولتاں ڈیونڑ سانگے ترقی دے منصوبیں تے کم جاری ہے ،مخدوم خسرو بختیار

عوام کوں بنیادی سہولتاں ڈیونڑ سانگے ترقی دے منصوبیں تے کم جاری ہے ،مخدوم خسرو بختیار

خان پور(پاکستان نیوز پوائنٹ 06ستمبر 2016ء) رکن قومی اسمبلی تے سابق وزیر مملکت خارجہ امور مخدوم خسرو بختیارآکھیا ہے جو علاقے دی پسماندگی دے خاتمے اتے عوام کوں بنیادی سہولتاں دی فراہمی سانگے دیہی روڈ نیٹ ورک ،تعلیم ،صحت اتے ارباں روپے دے ترقیاتی منصوبیں تے کم جاری ہے ،جنہاں اچ ودھ منصوبے پورے تھی گن اتے جیرھیں تے کم تھیندا پئے او وختی پورے تھی ویسن ۔

انہاں آکھیا جو خانپور توں نواں کوٹ ،رکن پور توں چاچڑاں شریف ،سہجہ توں گڑھی اختیار خان ،کوٹ سمابہ توں سونک ،سوئی گیس چوک توں رکن پور سمیت حلقہ 194اچ دیہاتی روڈاں دا جال وچھایا وینداپئے ،انہاں آکھیا جو ظاہر پیر میانوالی قریشیاں اچ گورنمنٹ گرلز کالج جڈاں جو سہجہ اچ گورنمنٹ بوائز کالج دے قیام نال طالب علماں تے طالبات سانگے انہاں دے دروازاے تے اعلیٰ تعلیم دے موقع ملسن ۔جڈاں جو سینکڑاں سرکاری سکولاں دی اپ گریڈیشن ،سکولاں دیاں خستہ حال عمارتاں دی وختی تعمیر اتے بنیادی سہولتاں دی فراہمی یقینی بنڑائی گی ہے ۔