اسلام آباد (پاکستان نیوزپوائنٹ12جنوری2018ء) وزیر مملکت برائے داخلہ طلال چوہدری قصور واقعہ کوں افسوسناک قرارڈیندے ہوئیں آکھیے جواینجھے واقعات دے ناں تے امن و امان کوں نقصان پجاونڑ اتے املاک دی بھن ترور کرنڑ دی عادت دے اگو وی بند بدھنر دی لوڑھ اے۔جمعہ کوں قومی اسمبلی اچ بیان ڈیندے ہوئیں طلال چوہدری آکھیے جو اینجھے واقعیاں کوں روکنڑ کیتے پارلیمانی کمیٹی دی تجویز نال اتفاق اے،امید اے جو تیکھے ملزماں تئیں پج ویسوں۔
انہاں آکھیے جو واقعہ دی اڈ اچ قومی املاک کوں قنصان پچایا گئے اتے سیاسی نمبر بازی دی کوشش کیتی گئی اے اتے لوکاں کوں بہانے بہانے تے اکسایا گئے، ایندے تے ترائے ایف آئی آر درج کیتاں گن، امن امان خراب کرنڑ آلے 37 بندے پکڑیے گن بیا کئی لوکاں دی سنجانڑ وی کیتی گئی اے۔ساکوں لوکاں کوں بھڑکاونڑ دی بجائے قانون اتے اصلاحات دی گالھ کرنڑی چاہیدی اے۔پنجاب پولیس اچ وی تربیت یافتہ اتے ایماندار لوک موجود ہین۔پانجاب پولیس اصلاحواں دی نقل بنھاں صوبیاں وی کیتی اے۔پوری پولیس کوں نشانہ نہ بنڑایا ونجے۔انہاں آکھیے جو اٹھارویں ترمیم توں بعد صوبے وی اپنڑیاں ذمہ داریاں نبھاون۔
