پولیس کوں مخبری کرنڑ تے ملزماں نینگراں دے وال،ڈاڑھی،مُچھاں،بھویں مُن گھدے

رحیم یار خان (پاکستان نیوز پوائنٹ 05ستمبر 2016ء) پوپولیس کوں مخبری کرنڑدے جرم اچ پنج ملزماں نینگراں دے وال،ڈاڑھی،مُچھاں،بھویں مُن گھدے اتے کالے تیل نال منہ کالا کرتے جیب اچوں نقدی اتے موبائل فون وی کھس گھدا،متاثرہ بندے دی منت سماجت تے کئی گھنٹیاں بعد رہائی ڈتی۔پولیس متاثرہ بندے دی رپورٹ تے مقدمہ درج کر گھدا کہیں وی ملزم دی گرفتاری حالی تئیں عمل اچ نہ آسگی۔

تفصیل دے مطابق موضع قبہ لعل پیر دے رہنڑ آلے محمد سلیم پولیس کوں آپنڑے تحریری شکایت اچ بیان ڈتا جو او آپنڑے گھر اچ موجود ہا جو ایں وچال پنج ملزم خلیل احمد وغیرہ جیڑھے جو موضع شاہ دا کھوہ دے رہنڑ آلے ہن آ گئے اتے زبردستی ڈیرہ رشید احمد کورائی دے ڈیرہ تے گئن گئے جتھاں ملزم اللہ نواز،کالو وغیرہ اونکوں زبردستی رسیاں نال بدھ کراہیں ونڑ نال بدھ ڈتا اتے پولیس کوں مخبری کرنڑ دے جرم اچ محمد سلیم دے وال،ڈاڑھی،مُچھاں،بھویں مُن گھدے۔بعد اچ محمد سلیم دی رپورٹ تے پولیس ملزماں دے خلاف مقدمہ درج کر تے کاروائی شروع کر ڈتی اے۔