اسلام آباد (پاکستان نیوز پوائنٹ 05ستمبر 2016ء) وزیراعظم محمد نواز شریف آکھیا جو عام بندے دی مشکلاں گھٹ کرنڑ سانگے توانائی،بنیادی ڈھانچہ دی ترقی اتے سماجی بہبود دے منصوبیاں سمیت سارے کلیدی شعبیاں اچ تکھے پیش رفت تھیندی پئی اے،اساں عملی اقدامات تے یقین رکھیندے ہیسے اتے مختلف شعبیاں اچ وڈے وڈے منصوبے اساڈی کارکردگی کا منہ بولیندا ثبوت ہن ۔
انہاں اے گالھ وفاقی وزیر پٹرولیم تے قدرتی وسائل شاہد خاقان عباسی نال سوموار کوں ایوان وزیرا عظم اچ گالھ مہاڑ کریندیں ہوئیں آکھی۔وزیر اعظم آکھیا جو انہاں لوکاں کوں چنگی طرح پتہ اے جو اساڈی پالیسیاں دا مقصد عوام کوں درپیش اہم مسئلیاں کوں حل کرنڑ تے توجہ ڈیونڑ ملک دی خدمت اے۔انہاں سارے منصوبیاں تے عملدرآمد اچ شفافیت کوں یقینی بنڑاونڑ اتے متعلقہ قوانین دی سختی نال پیروی تے زور ڈیندیں ہوئیں آکھیا جو ایل این جی پاور پراجیکٹس تکھے پورے کیتے ونجن تانجو سستی بجلی دی پیداوار تھی سگے۔
انہاں آکھیا جو پاکستان کنے 2018ء تئیں آپنڑے گھریلو اتے صنعتی لوڑھ پوری کرنڑ سانگے ودھکیی بجلی ہوسی پئی ،انہاں منصوبیاں دے پورے تھیونڑ نال صارفین کوں سستی توانائی ملسی۔وزیر اعظم آکھیا جو بدقسمتی نال گزریل حکومتاں توانائی سمیت سارے شعبیاں کوں نظر انداز کیتا گئے ۔انہاں آکھیا جو ملک اچ امن و امان دی چنگی صورتحال نال مقامی اتے غیر ملکی سرمایہ کاراں دی قومی معیشت دے مختلف شعبیاں اچ سرمایہ کاری دی حوصلہ افزائی تھی اے،اساں اقتصادی بحالی اتے ترقی دے انقلابی ایجنڈے دی پیروی سانگے پر عزم ہیسے۔
