حکومت چین پاکستان اقتصادی راہداری منصوبے اچ ریلوے دے شعبے کوں خصوصی اہمیت ڈیندی پئی اے

اسلام آباد (پاکستان نیوز پوائنٹ 05ستمبر 2016ء) وفاقی حکومت چین پاکستان اقتصادی راہداری منصوبے اچ ریلوے دے شعبے کوں خصوصی اہمیت ڈیندی پئی اے تانجو ایں دے پورے تھیونڑ نال اقتصادی اتے معاشی ترقی اتے خوشحالی دے اہداف اچ مدد گھدی ونج سگے،چین پاکستان اقتصادی راہداری منصوبے دے تحت ریلیویز صوبہ پنجاب اچ 30 فیصد، صوبہ سندھ اچ 18 فیصد ،بلوچستان اچ 36 فیصد ،خیبر بختونخوا اچ 9 فیصد ، گلگت بلتستان اچ 6 فیصد اتے فاٹا اچ ہک فیصد نویں ریلوے ٹریکس وچھائے ویندے پئن جنہاں تے 3ارب69کروڑ روپے لاگت امسی۔

پلاننگ کمیشن دی دستاویزات دے مطابق سی پیک منصوبیاں دے تحت ہک ہزار 59 کلومیٹر حویلیاں ۔ کاشی نیو ریلوے ٹریک ،پشاور توں طورخم تئیں نویں ریلوے لائن دی تعمیر ،حویلیاں ڈرائی پورٹ،کراچی توں کوٹھری ڈبل لائن دی تعمیر ،16 سو کلومیٹر کراچی توں پشاور تیز رفتار ریلوے لائن منصوبہ ،کوئٹہ ۔560 کلومیٹر ژوب،کوٹلہ جام نئی ریلوے لائن دی تعمیر ،633 کلومیٹر کوئٹہ ۔تفتان لائن دی اپ گریڈیشن ،1328 کلومیٹر گوادر۔ جیکب آباد تئیں نویں ریلوے شامل اے۔