گزریل مالی سال دے چھیکڑی ترائے مہینے دے دوران بینکاں اتے مالیاتی اداریاں دے غیر فعال قرضیںوچ 15 ارب روپے ودھارا تھیا، سٹیٹ بینک

اسلام آباد (پاکستان نیوز پوائنٹ 05ستمبر 2016ء) 30 جون 2016ءکوں مکنڑ آلے ترائے مہینے دے دوران بینکاں اتے مالیاتی اداریاں دے غیر فعال قرضیاں وچ 15 ارب روپے دا ودھار اتھیا ہے۔ سٹیٹ بینک آف پاکستان دی رپورٹ مطابق جاری سال 2016ءدی پہلے ترائے مہیناں دی چھیکڑ تے غیر فعال قرضیاں دا حجم 620 ارب روپے ہا جیرھا ڈوجھے ترائے مینے دے چھیکڑ تئیں 635 ارب روپے تئیں ودھ گیا ایں طرح پہلے ترائے مہینے دے مقابلے وچ ڈوجھے ترائے مہینے دے دوران بیڈ لونز (غیر فعال) قرضیاں دے حجم وچ پندرہ ارب روپے دا ودھارا ریکارڈ کیتا گئے۔