قومی اسمبلی اجلاس؛ اپوزیشن دا فاٹا انضمام بل ولا گھنڑ تے واک آوٹ

اسلام آباد(پاکستان نیوزپوائنٹ 15دسمبر2017ء) قومی اسمبلی اچ اپوزیشن جماعتاں فاٹا انضمام بل ولا گھنر تے جمع کوں وی ایوان دا واک آوٹ کیتے۔اجلاس اچ سید نوید قمرآکھیے جو وزیراعظم ولوں اج ناشتے تے سڈنڑ دی کو ہئی بھل ایویں تھیا نئیں۔ شاہ جی گل آفریدی آکھیے جو ڈو بندےیاں دی وجہ توں فاٹا انضمام دا مسئلہ پچھو تے سٹ ڈتا گئے۔ شیخ رشید احمدنکتہ اعتراض تے آکھیے جو حکومت ہک شئے شروع کیتی اے ایندا کریڈت اوکون ملدا پئے، پورا پاکستان ایندی تعریف کریندے بھل ایں بل کوں آخری ویلے ایجنڈے توں کڈھ ڈتا گئے۔

انہاں آکھیے جو فاٹا دے نیڑے علاقیاں اچ داعش کوں منظم کیتا ویندا پئے۔ وزیر سیفران ڈسایا ہا جو فاٹا انضمام دے معاملہ تے وزیراعظم ناشتے دی دعوت ڈیسن پتا نئیں او ڈینہہ کڈنڑ آسی۔ شیر اکبر خان آکھیے جو ایف سی آرہک کالا قانون اے جیکوں حکومت ختم کرنڑ چاہندی اے، حکومت بل ول ایوان اچ گھن آوے۔ غوث بخش مہر آکھیے جو اے بل آونڑا چاہیدے۔ کراچی پیکج دے تحت سندھ حکومت اتے وفاق ولوں ڈتے گئے پیسے کجھ ضلعیاں کوں نئیں ڈتے گئے۔ بعد اچ اپوزیشن ایوان توں واک آوٹ کرگئی۔