اسلام آباد (پاکستان نیوزپوائنٹ 15دسمبر2017ء) ایوان بالا اچ مختلف قائمہ کمیٹیاں دیاں رپورٹاں پیش کرڈتین۔سینیٹ اجلاس دے دوران قائمہ کمیٹی برائے قانون و انصاف دے چیئرمین سینیٹر جاوید عباسی آئین دے آرٹیکل 95 الف کوں دستوراچ شامل کرنڑ کیتے سینیٹر محسن لغاری ولوں پیش کیتے گئے دستور (ترمیمی) بل 2017ءتے کمیٹی دی رپورٹ پیش کیتی۔ انہاں آئین اچ آرٹیکل 136 الف شامل کرنڑ کیتے محسن لغاری ولوں پیش کیتے گئے دستور (ترمیمی) بل 2017ءتے کمیٹی دی رپورٹ وی ایوان اچ پیش کیتی۔
قائمہ کمیٹی انفارمیشن ٹیکنالوجی ولوں سینیٹر شبلی فراز ٹیلی فون انڈسٹریز آف پاکستان ہری پوردے پنشنرز بارے کمیٹی دی رپورٹ ایوان اچ پیش کیتی ۔ قائمہ کمیٹی برائے نیشنل فوڈ سیکیورٹی ولوں سینیٹر محسن لغاری بلوچستان اتے خیبر پختونخوا اچ کھاد دی ترسیل دے حوالے نال کمیٹی دی رپورٹ پیش کیتی۔
