فاٹا دے مسئلے حل کرنڑ کیتے سپریم کونسل بنڑائی ونجے، محمود خان اچکزئی

اسلام آباد (پاکستان نیوزپوائنٹ 14دسمبر2017ء) پختونخوا ملی عوامی پارٹی دے سربراہ محمود خان اچکزئی آکھیے جو فاٹا دے مسائل حل کرنڑ کیتے ہک سپریم کونسل بنڑائی ونجے،جیکر صدرچاہون تاں افی سی آر دا خاتمہ وی کرسگدن۔ قومی اسمبلی اچ نکتہ اعتراض تے گالھ مہاڑ کریندے ہوئیں محمود خان اچکزئی آکھے جو میڈے بارے آکھیا ویندے کہ میں فاٹا دے انضمام دی مخالفت کرینداں بھل اے میڈا حق اے۔ ڈو ڈینہہ پہلے آرمی چیف نال ہک وڈا وفد ملیے جیں آکھیے جو ساڈی مرضی توں بغیر ایندا کوئی فیصلہ نہ کیتا ونجے۔انہاں آکھیے جو فاٹا پارلیمنٹ دی ڈومین نئیں، جیکر صدر چاہون تاں آپنڑے اختیارات دا استعمال کرسگدن۔ ہک سپریم کونسل بنڑائی ونجے اتے اوکوں جمہوری اتے قابل قبول سسٹم بنڑاونڑ دا اختیار ڈتا ونجے۔