اسلام آباد (پاکستان نیوزپوائنٹ 14دسمبر2017ء) الیکشن کمیشن حالی تئیں آپنڑے مالی اثاثیاں دے گوشوارے جمع نہ کراونڑ آلے ارکان اسمبلی دی فہرست جاری کرڈتی اے،ان فہرست اچ پنجاب اسمبلی دے 5 اتے سندھ اسمبلی دے 12 اراکین شامل ہین۔ الیکشن کمیشن موجب پنجاب اسمبلی دے اراکین مسعود شفقت‘ ملک سجاد حسین جوئیہ‘ سردار محمد جمال خان لغاری‘ عبدالمجید خان نیازی اتے سمیرا سمیع حالی تئیں مالی سال 2016-17ءآپنڑے اتے آپنڑے زیر کفالت افراددے اثاثہ جات دے گوشوارے جمع نئیں کرائے۔
سندھ اسمبلی توں علی نواز خان مہر‘ حاجی عبدالرﺅف خان کھوسہ‘ بشیر احمد ہالے پوتہ‘ محمد اسماعیل راھو‘ مخدوم خلیل الزماں‘ مس ثانیہ‘ محمد دلاور‘ محمد کامران‘ رخسانہ پروین‘ بلقیس مختار‘ ارم عزیم فاروقی اتے مکیش کمار چاولہ وی شامل ہین۔
