اسلام آباد (پاکستان نیوز پوائنٹ 02 ستمبر 2016ء) تربیلا ڈیم چوتھے توسیعی منصوبے دا 67 فی صد کام مکمل ، اگست2017 ء توں پیداوار شروع تھی ویسی،نیشنل گرڈ کو ں3 ارب 84کروڑ یونٹس گھٹ لاگت بجلی ملسی۔واپڈا دے ذرائع دے مطابق اپ گریڈیشن اتے سوئچ یارڈ کم مئی 2017ء اچ پورا تھیونڑ دا امکان اے۔منصوبے تے 92کروڑ ڈالر لاگت امسی۔تربیلا چوتھے توسیعی منصوبے نال سرنگ نمبر 4تے 1410 میگاواٹ مجموعی پیداواری صلاحیت دے ترائے یونٹاں دی تنصیب نال تربیلا ہائیڈرل پاور سٹیشن دی پیداواری صلاحیت 3ہزار 4سو 78میگاواٹ توں ودھ کراہیں 4ہزار 8سو 88 میگاواٹ تھی ویسی۔
عالمی بینک ایں پراجیکٹ سانگے 840ملین ڈالر ڈیندا پئے ۔پراجیکٹ دے سالانہ فائدے دا تخمینہ تقریباً30ارب روپے اے۔پراجیکٹ ترائے سالیں اچ آپنڑی تعمیراتی لاگت پوری کر گھنسی۔وزیرا عظم اے وی ہدایت کیتی اے جو ملک اچ توانائی دے سارے منصوبیاں تے عملدرآمد کریندیں ہوئیں شفافیت کوں یقینی بنڑایا ونجے ۔
