بجلی، توانائی دی ونڈ کوں جدید بنڑاونڑساڈی اگونہی ترجیح اے، سرتاج عزیزجدےد ٹیکنالوجی دی مدد نال بجلی اتے توانائی دی ضروریات دا درست اندازہ لاونڑ اچ مدد ملدی پئی اے،ڈپٹی چیئرمین پلاننگ کمیشن سرتاج عزیز دا سی ڈی ڈبلیو پی اجلاس نال خطاب

توانائی کیتے 18.6 ارب روپے مالےت دے منصوبیاں دی منظوری

بجلی، توانائی دی ونڈ کوں جدید بنڑاونڑساڈی اگونہی ترجیح اے، سرتاج عزیزجدےد ٹیکنالوجی دی مدد نال بجلی اتے توانائی دی ضروریات دا درست اندازہ لاونڑ اچ مدد ملدی پئی اے،ڈپٹی چیئرمین پلاننگ کمیشن سرتاج عزیز دا سی ڈی ڈبلیو پی اجلاس نال خطاب
توانائی کیتے 18.6 ارب روپے مالےت دے منصوبیاں دی منظوری

اسلام آباد (پاکستان نیوزپوائنٹ 11دسمبر2017ء) ) ڈپٹی چیئرمین پلاننگ کمیشن سرتاج عزیزآکھیے جو جدےد ٹیکنالوجی دی مددنال بجلی اتے توانائی دی لوڑھ دا ٹھیک اندازہ لاونڑ اچ مدد ملدی پئی اے،بجلی اتے توانائی دی ترسیل، ونڈ دے نظام کوںجدید بنڑاونڑ ساڈی اگونہی ترجیح اے۔ حکومت مربوط توانائی دے نظام تے توجہ ڈیندی پئی اے۔ انہاں دا آکھنڑ ہا جو توانائی شعبے اچ نجی شعبے دی حوصلہ افزائی کریندے پئے ہیں۔

بارہویں پنج سالہ ترقیاتی منصوبے تے کم کیتا ونج چکیے۔جیندے اچ بجلی ، توانائی نظام اتے انفراسٹرکچر کوں جدید بنڑاونڑ دے اقدامات دا تعین کیتا ویندا پئے۔سرتاج عزیز آکھیے جو توانائی بحران مکنڑ دے نیڑے اے۔ آندے مرحلے اچ نظام اتے ایندے اچ چنگائی گھن آونڑ دے اقدامات کیتے ویسن۔ او سی ڈبلیو پی اجلاس نال خطاب کریندے پئے ہن۔اجلاس اچ توانائی کیتے 18.6 ارب روپے مالےت دے منصوبے منظور کیتے گین۔

ایں سانگے ہک اہم منصوبہ تریموں جھنگ دے نیڑے 1230 میگاواٹ آر ایل این جی ( RLNG ) پاور پلانٹ توں بجلی دے انخلاءدا پیش کیتا گئے۔ایں منصوبے تے لاگت4 ارب 33کروڑ 90لاکھ 5ہزار روپے آسی جیہڑا مزی منظوری کیتے ایکنک کوں بھجوا ڈتا گئے۔توانائی دا ہک بیا منصوبہ عطا آباداچ 32.5 میگاواٹ ہائیڈرو پاور پروجیکٹ دا ہے جیندے تے 11 ارب 53کروڑ، 35 لاکھ 6 ہزار روپے خرچ آسی۔منصوبے دا مقصد ہنزہ اچ32.5 میگاواٹ بجلی گھر منصوبے دی تعمیر شامل ہے۔ایندے توں ملنڑ آلی توانائی اپر ہنزہ ، سنٹرل ہنزہ اتے لوئر ہنزہ مراکز کوں ڈتی ویسی۔ اے منصوبہ وی بئی منظوری کیتے ایکنک کوں بھجوا ڈتا گئے۔