معروف نعت خواں اتے مذہبی سکالر جنید جمشید کوں وچھڑیے سال لنگھ گئے

معروف نعت خواں اتے مذہبی سکالر جنید جمشید کوں وچھڑیے سال لنگھ گئے

اسلام آباد (پاکستان نیوزپوائنٹ 07دسمبر2017ء) معروف نعت خواں اتے مذہبی سکالر جنید جمشید کوں وچھڑے ہوئیں ہک سال تھی گئے ،ا وہ گزریل سال 7 دسمبر کوںچترال توں اسلام آباد آندے ہوئے پاکستان انٹرنیشنل ایئرلائنز (پی آئی اے) دے مسافر اں دے جہاز حادثے اچ جاں بحق تھئے ہن۔ پی آئی اے دا طیارہ حویلیاںدے نیڑے ڈٹھا ہئی۔ جہاز اچ عملے سمیت 48 افراد سوار ہن۔

52 سالہ جنید جمشید اپنڑی گھر آلی دے کٹھے چترال اچ تبلیغی دورے دے بعد اسلام آباد آندے پئے ہن۔ جنید جمشید 3 ستمبر 1964ءکو ںکراچی اچ جمین اتے ا وہ لہور یونیورسٹی آف انجینئرنگ اینڈ ٹیکنالوجی توں پڑھیے ہوئے ہن۔جنید جمشید پاپ موسیقی توں فنی کیرئیرداآغاز کیتا اتے اپنڑے میوزک بینڈکوں وائٹل سائنز دے ناں نال متعارف کرایا۔ ۔ 1987ءاچ ریلیز تھیونڑ آلے گیت ”دل دل پاکستان“ خاص طور تے جنید جمشید کوںشہرت ڈتی۔

چار پاپ البم ریکاراڈ کراونڑ دے بعد 2002ءاچ جنید جمشید دا رجحان اسلامی تعلیمات آلے پاسے ودھنڑ اتے ماضی دے پاپ اسٹار ہک نعت خواں دے طور تے ابھرتے سامنڑے آئے۔ ایہو اوہ ویلھا ہاجڈاں جنید جمشید گلوکاری کو ںخیرباد آکھ تے اسلام دی تبلیغ اتے حمد و نعت کوں زندگی دا مقصد بنڑا گھدا۔نعت خوان جنید اپنڑے کپڑیاں دے برانڈ سمیت ہر سال ماہ رمضان دی خصوصی نشریاتاں اتے پروگراماں اچ میزبان دے طورتے نمایاں رہے۔ جنید جمشید کوں 2007ءوچ حکومت پاکستان ولوں تمغہ امتیاز وی ڈتا گیااتے2014 ءوچ انہاںکوں دنیا دی 500 بااثر مسلم شخصیات وچ وی شامل کیتا گیا ہا۔