ڈائریکٹوریٹ آف امیگریشن اینڈ پاسپورٹس گزریل پنچ سالیںدے دوران 86 ارب توں ودھ دا ریونیو کمایا ہے، وفاقی پارلیمانی سیکرٹری داخلہ مریم اورنگزیب

ڈائریکٹوریٹ آف امیگریشن اینڈ پاسپورٹس گزریل پنچ سالیںدے دوران 86 ارب توں ودھ دا ریونیو کمایا ہے، وفاقی پارلیمانی سیکرٹری داخلہ مریم اورنگزیب

اسلام آباد (پاکستان نیوز پوائنٹ 02 ستمبر 2016ء) وفاقی پارلیمانی سیکرٹری داخلہ مریم اورنگزیب آکھیا ہے جوہے ڈائریکٹوریٹ آف امیگریشن اینڈ پاسپورٹس گزریل پنچ سالیں دے دوران 86 ارب توں ودھ دا ریونیو کمایا ہے‘ شناختی کارڈز لسانیت اتے علاقائیت دی بناءتے بلاک نی کیتے ویندے‘ شناختی کارڈاں دی تصدیق دی مہم جاری ہے۔ جمعہ کوں قومی اسمبلی وچ وقفہ سوالات دے دوران ساجد احمد دے سوال دے جواب وچ پارلیمانی سیکرٹری داخلہ مریم اورنگزیب ڈسایا جو گزریل پنچ سالیں دے دوران نظامت اعلیٰ امیگریشن تے پاسپورٹ 86 ارب 57 کروڑ 10 لکھ روپے ریونیو کمایا۔

مشین ریڈ ایبل پاسپورٹ دا اجراءملک دے اندر تے باہر شروع تھی گئے ۔ جنہاں دفتر اںتوںایہ مشین ریڈ ایبل پاسپورٹ جاری نی کیتے ویندے پئے اتھاں ہک ہفتے وچ جاری تھیسن۔ جنہاںلوکیں اپنڑے آپ کوں بطور افغان مہاجر اندراج کرایا ہے انہاں دی گول پھرول کیتی ویندی پئی ہے۔ غلام احمد بلور دے سوال دے جواب وچ انہاںڈسایا جو کہیں وی شناختی کارڈ کوں بلاک کرنڑ دی وجہ لسانیت‘ علاقائیت کائنی ہے ایکوں بلاک کرنڑ دیاں وجوہات ہر شہری سانگے ہکو جئیاں ہن ۔ فیملی ٹری وچ اگر کوئی غیر فیملی ممبر درج ہے تا ںایندی تصدیق کیتی ویندی پئی ہے۔ سپیکرآکھیا جو اساں حکومت اتے اپوزیشن کوں ایں مسئلے تے پارلیمانی کمیٹی بناونڑ سانگے خطوط ارسال کرڈتے ہن۔ ایہ سنجیدہ مسئلہ ہے اتے ہر حلقے وچ ہے۔