اسلام آباد (پاکستان نیوز پوائنٹ 02 ستمبر 2016ء) قومی اسمبلی کو ںڈسایا گیا جو قومی شناختی کارڈ دی تصدیق دی اجوکی مہم دے دوران ہک لکھ 26ہزار توں ودھ ایجھے شناختی کارڈ دی تصدیق تھی ہے جنہاں دا اندراج غیر متعلقہ خاندان اچ کیتا گیا ہے ،شناختی کارڈ دی تصدیق دی مہم اجوکے سال پوری تھی ویسی ۔جمعے کوں قومی اسمبلی اچ سوالاں دے وقفے دے دوران منزہ حسن دے سوال دے جواب اچ مریم اورنگزیب ڈسایا جو نادرا ولوں قومی شناختی کارڈ دی تصدیق دی اجوکی مہم دے دوران 106کمپیوٹرائزڈ کارڈز کوں غیر قانونی قرار ڈتا گیا۔
ہک لکھ تے 26ہزاراجنبی کارڈ ہن جیرھے جو ایندے توں انجھ ہن انہاں دی چھان بین تھیندی پئی ہے ۔اے 106غیر قنونی افغانی ہن ۔انہاں ڈسایا کو اے کارڈ تصدیقی مہم دسمبر 2016تئیں پوری تھی ویسی ایندے بعد اجنبی کارڈ تے کاروائی تھیسی ۔اگر ایندے تے کہیں کوں کوئی تحفظات ہن تاں ایں کمیٹی اچ تحفظات غور اچ گھن آون ۔
