پشاور وچ دہشگردا ں دا پولیس چوکی تے حملہ، اہلکار زخمی ،جوابی کارروائی وچ چار خود کش حملہ آورمارے گئے، ہسپتالاں وچ ایمر جنسی لا ڈتی گی اتے سکیورٹی سخت کر ڈتی گئی

اسلام آباد (پاکستان نیوز پوائنٹ 02 ستمبر 2016ء) پشاور وچ دہشگرداں دے پولیس چوکی تے حملے دے نتیجے وچ ہک اہلکار زخمی اتے جوابی کارروائی وچ چار خود کش حملہ آورمارے گئے ۔ پی ٹی وی دی دے مطابق جمعہ دی سویل پشاور وچ ورسک ڈیم روڑ تے واقع کرسچین کالونی وچ دہشتگرداں پولیس چوکی تے حملہ کر ڈتا جیندے نتیجے وچ ہک اہلکار زخمی تھی گیا ،سکیورٹی فورسز دی بھاری نفری علاقے کو ںگھیرے وچ گھن تے جوابی کارروائی کر تے چار خودکش حملہ آوراںکو ںہلاک کر ڈتا ہے۔ آئی ایس پی آر دے مطابق مارے گئے چارے دہشتگرد خود کش حملہ آور ہن۔ حکام دے مطابق سیکیورٹی فورسز علاقے وچ سرچ آپریشن شروع کر ڈتا ہے۔پشاور دے سارے ہسپتالاں وچ ایمر جنسی نافذ اتے سکیورٹی سخت کر ڈتی گئی ہے۔