سعودی عرب اچ کم کرنڑآلیاں ساہیوال دے 64 مزدوراں دے ٹبراں اچ چیک ونڈے گئے ہن

سعودی عرب اچ کم کرنڑآلیاں ساہیوال دے  64 مزدوراں دے ٹبراں اچ چیک ونڈے گئے ہن

چیچہ وطنی(پاکستان نیوز پوائنٹ یکم ستمبر 2016ء) سعودی عرب اچ کم کرنڑآلیاں پاکستانی مزدوارں کوں تنخواہواں دی ملنڑ پاروں مالی اوکھ مکاونڑ کیتے ضلع ساہیوال توں تعلق رکھنڑآلے 64 مزدوراں دے ٹبراں کوں 32 لکھ روپے دی مالی امداد دے چیک ونڈ ڈتے گئے ہن ۔ اے چیک وزیر اعظم محمد نواز شریف ولوں انہاں مزدوراں کیتے اعلان کیتے گئے مالی پیکج اچوں ڈتے گئے ہن ۔

چیک ونڈنڑ دی خصوصی تقریب پاکستان بیت المال دے ضلعی دفتر اچ تھئی ہے جیندے اچ ڈسٹرکٹ آفیسر پاکستان بیت المال سید احمد رضا شاہ 64 مزدوراں دے ٹبراں کوں 50,50 ہزار روپے دے چیک ونڈیے ۔ اے چیک پاکستان بیت المال دے مینجنگ ڈائریکٹر بیرسٹر عابد وحید شیخ اتے ڈائریکٹر پنجاب میاں اظہر افضل دی خصوصی ہدایات تے ریکارڈ مدت اچ تیار کیتے گئے ہن تانجو سعودی عرب اچ پھسے ہوئے پاکستانی مزدوراں کوں تنخواہواں دی عدم ادائیگی پاروں مالی اوکھ دا شکار انہاں ٹبراں کوں فوری سُکھ ڈتا ونج سگے ۔