رحیم یار خان(پاکستان نیوز پوائنٹ یکم ستمبر 2016ء) ڈسٹرکٹ بار ایسو ایشن رحیم یارخان اچ حال ہی اچ ایڈیشنل سیشن جج دے عہدے تے ترقی پاونڑآلے سینئر سول جج فیصل محمود میر دے اعزاز اچ الوداعی پارٹی دا اہتمام کیتا گئے ، ایں موقعے تے صدر بار سلیم اللہ جتوئی ایڈوکیٹ الیندے ہوئیں آکھیاجو فیصل محمود میر رحیم یار خان اچ بار اتے بینچ کوںمضبوط کرنڑ اتے انصاف دی فراہمی اچ آپنڑاں جیہڑا کردار ادا کیتے او تعریف دے قابل ہے ۔
انہاں دی کمی ہمیشہ محسوس کیتی ویسی ۔ وڈی خوشی دی گالھ اے ہے جو انہاں دی ترقی تھئی ہے اتے اللہ پاک انہاں کوں بئی ترقی ڈیوے ۔سیشن جج ملک ساجد علی اعوان آکھیا جو فیصل محمود میر دی طرح دے جج عدلیہ دے متھے دا جھومر ہوندے ہن ، انہاں دی ودھ ساری محنت نال رحیم یار خان اچ لوکیں اتے وکیل برادری اچ عدلیہ تے اعتماد دا جیہڑ ا رشتہ قائم تھئے اوں کوں بھلایا نہیں ونج سگدا۔
