پاکستان برونائی کوں افرادی قوت دیاں ضرورتاں پوریاں کرنڑ اچ کردار کر سگدا۔

سانجھی تجارت اچ ودھارے نال ڈوہیں ملکاں دے تعلقات پکے تھیسن ،صدر مملکت ممنون حسین دی برونائی دارالسلام اچ تعینات تھیونڑ آلے ہائی کمشنر میجر جنرل (ر) طارق رشید خان نال گالھ مہاڑ

پاکستان برونائی کوں افرادی قوت دیاں ضرورتاں پوریاں کرنڑ اچ کردار کر سگدا۔
سانجھی تجارت اچ ودھارے نال ڈوہیں ملکاں دے تعلقات پکے تھیسن ،صدر مملکت ممنون حسین دی برونائی دارالسلام اچ تعینات تھیونڑ آلے ہائی کمشنر میجر جنرل (ر) طارق رشید خان نال گالھ مہاڑ

اسلام آباد(پاکستان نیوز پوائنٹ یکم ستمبر 2016ء) صدر مملکت ممنون حسین آکھیا ہے جو برونائی دارالسلام پاکستان دابہوں نیڑے اتے با اعتماد دوست ہے ۔سانجے تعلقات اچ مزید گہرائی سانگے چنگے کم کرنڑ دی ضرورت ہے ۔انہاں اے گالھ خمیس کوں برونائی دار السلام اچ تعینات تھیونڑ آلے ہائی کمشنر میجر جنرل (ر ) طارق رشید خان نال گالھ مہاڑ کریندے ہوئیں آکھی ۔

صدر مملکت نامز د سفیر تے زور ڈتا جو او برونائی دے نال تعلقات کوں مزید چنگاں بنڑاونڑ سانگے اپنڑاں کردار ادا کرن ۔انہاں آکھیا جو پاکستان اتے برونائی اچ سرمایہ کاری دے ودھ سارے موقع موجود ہن جیں نال ڈوہیں ملکاں دے سرمایہ کاراں کوں فائدہ چاونڑاں چاہیدا ہے ۔صدر مملکت آکھیا جو برونائی کوں افرادی قوت دی ضرورت ہے جیں اچ پاکستان اپنڑاں کردار ادا کر سگدا ہے ۔

صدر مملکت آکھیا جو ڈوہیں ملکاں وچال جیرھے شعبے اچ وی سرمایہ کاری تھی سگدی ہے انہاں تے خاص توجہ ڈیونڑ دی ضروت ہے ،انہاں اچ تعلیم ،تعمیرات اتے توانائی دے شعبے ودھ اہم ہن ۔صدرمملکت ہائی کمشنر میجر جنرل (ریٹائرڈ) طارق رشید خان کو ںبرونائی دارالسلام اچ بطور سفیر تعیناتی تے مبارخ باد ڈتی تے ایں امید ادا ظہار کیتا جو او پاکستان تے برونائی دے تعلقات مزید پکے کرنڑ اچ اپنڑاں کردار ادا کریسن ۔