اسلام آباد (پاکستان نیوزپوائنٹ16نومبر2017ء) وفاقی وزیر تجارت و ٹیکسٹائل پرویز ملک جیرھے جو ماسکو دے دورے تے ہن انہاں شنگھائی تعاون تنظیم( ایس ای او) دے وزارتی اجلاس اچ شرکت کیتی تے روس دے وزیر صنعت و تجارت ڈینس میتھروف نال ملاقات کیتی ۔ ملاقات اچ توانائی ، تجارت ، دفاع اتے کلچر سمیت ڈوہیں پاسوں مختلف شعبیں اچ سانجھے تعاون کوں مزید مستحکم کرنڑ تے تبادلہ خیال کیتا ۔
ڈوہیں ملکاں دے وزیراں ڈو پاسے تعلقات اچ بہتری تے اطمینان دا اظہار کریندے ہوئیں سانجھے تعاون کوں مزید ودھاونڑ تے اتفاق کیتا ۔ماسکو توں جاری بیان دے مطابق وزیر تجارت پر ویز ملک تے روس دے وزیر تجارت تے صنعت وچال ڈو پاسے معاشی تعاون کوں مزید وسعت ڈیونڑ سانگے جوائنٹ وینچر قائم کرنڑ تے رضا مندی ظاہر کیتی گی ۔ وزیر تجارت روسی ہم منصب کو ںپاکستان دورےدی دعوت ڈتی جیرھی جو انہاں قبول کر گھدی ۔ ایں توں پہلے وزیر تجارت ایس سی او دے16ویں اجلاس ا چ شرکت کیتی اجلاس اچ 8 ملکاں د ے وزیرتجارت تے مبصرین شرکت کیتی ۔
