اسلام آباد (پاکستان نیوزپوائنٹ16نومبر2017ء) وزیراعظم شاہد خاقان عباسی آکھیا ہے جو وفاق دے زیرانتظام قبائلی علاقہ جات (فاٹا) دے انضمام اتے علاقے دی تعمیر تے ترقی کو ںیقینی بنڑاونڑ سلسلے اچ وفاقی حکومت تے ساریاں صوبائی حکومتاں اچ پورا اتفاق رائے پاتا ویندا ہے ۔انہاں اے گالھ خمیس کوں اتھاں قبائلی علاقہ جات نال تعلق رکھنڑ آلی سیاسی جماعتاں دے یوتھ ونگز دے جرگے نال گالھ مہاڑ کریندے ہوئیں آکھی جیں اچ وزیراعظم ہاﺅس اچ انہاں نال ملاقات کیتی ۔
جرگے اچ مسلم سٹوڈنٹس فیڈریشن، انصاف سٹوڈنٹس، قومی وطن پارٹی یوتھ ونگ، اسلامی جمعیت طلبہ، فاٹا سٹوڈنٹس آرگنائزیشن، پختون سٹوڈنٹس آرگنائزیشن، خیبر سٹوڈنٹس آرگنائزیشن و دیگر یوتھ جماعتاں تے تنظیماں دے عہدیدار شریک ہن۔ وفاقی وزیر سیفران لیفٹیننٹ جنرل(ر) عبدالقادر بلوچ اتے معروف صحافی سلیم صافی وی ملاقات اچ موجودہن۔ ملاقات اچ فاٹا دے انضمام متعلقہ امور تے تبادلہ خیال تھیا۔
وزیراعظم آفس دے میڈیا ونگ ولوں جاری بیان دے مطابق وزیراعظم نال فاٹا یوتھ جرگے دی ملاقات دا اہتمام معروف صحافی سلیم صافی ولوں کیتا گیا۔ وزیراعظم آکھیا جو فاٹا دے انضمام دے ضمن اچ قائم کیتی ونجنڑ آلی اعلیٰ سطحی عملد ر آمد کمیٹی ولوں ایں گالھ کوں یقینی بنڑایا ویندا پے جو انضمام نال متعلقہ سارے ضروری آئینی، انتظامی اتے قانونی امور کوں آئین اتے قانون دے دائرہ کاراچ وختی حل کیتا ونجے تاں جو گھٹ توں گھٹ مد اچ فاٹا ریفارمز دی شفارشات کوں عملی جامہ پوایا ونجے ۔
جرگے ولوںفاٹا دی یوتھ دے نمائندیں کوں ایوان وزیراعظم سڈنڑ تے ہک اہم قومی مسئلے تے انہاں کوں اپنڑاں نقطہ نظر پیش کرنڑ دا موقع فراہم کرنڑ تے وزیراعظم شاہد خاقان عباسی دا شکریہ ادا کیتا گیا ۔ایں موقع تے سلیم صافی آکھیا جو فاٹا دے عوام دا پورا حق ہے جو ملک دے بئے حصے وانگوں انہاں کوں وی آئین دے مطابق سارے حقوق میسر آون ۔
