لاہور ہائیکورٹ،64 شخصیات دے باہرلے ملک اثاثے واپس گھن آونڑ سانگے درخواست تے فریقین بحث سانگے طلب

لاہور(پاکستان نیوزپوائنٹ13نومبر2017ء) لاہور ہائیکورٹ 64 سیاست داناں اتے معروف شخصیات دے باہرلے ملک اچ اثاثے واپس گھن آونڑ سانگے دائر درخواست تے فریقین دے وکیلاں کوں بحث سانگے سڈ گھدا ،،لاہور ہائیکورٹ دے جسٹس مامون رشید شیخ کیس دی سماعت کیتی،دوران سماعت درخواست گزاربیرسٹر جاوید اقبال جعفری ولوںموقف اختیار کیتا گیا جو 64 سیاستداناں اتے معروف شخصیات 400 ارب ڈالر غیر قانونی طور تے باہرلے ملک بھیجے ہن تے قومی خزانے کوں ودھ سارا ضیان پجایا ہے ،ڈپٹی اٹارنی جنرل عدالت کوں ڈسایا جو غیر سرکاری لوکاں دے خلاف عدالت عالیہ توں رجوع نی کیتا ونج سگدا جیں تے عدالت فریقین دے وکیلاں کوں 7دسمبر کوں مزید بحث سانگے سڈ گھدا ۔