اسلام آباد (پاکستان نیوز پوائنٹ 29اگست 2016ء) پاکستانی حاجیاں کوں حج دے دوران رہائش ،علاج تے سفر تے کھانڑے دیاں چنگیاں سہولتاں ڈتیاں ویندیاں پیاں ہن ۔پی ٹی وی نال گالھ مہاڑ کریندے ہوئیں ڈائریکٹر حج سید امتیاز حسین ڈسایا جو حج دے فرض کوں پورا کرنڑ سانگے آونڑ آلے پاکستانیاں سانگے مکہ دے علاقے عزیزیہ سمیت مختلف علاقیں اچ چنگیاں رہائشی عمارتاں کرایے تے گھدیاں ویندیاں پیاں ہن ۔
انہاں ڈسایا جو حاجیاں سانگے رہائشی علاقیاںکوں نو حصیں اچ ونڈیا گیا ہے ،ہر سیکٹر اچ انچارج مقرر کیتا گیا ہے جیرھا جو حاجیاں دیاں شکایتاں دے حوالے نال انہاں دا ازالہ کریسی ۔انہاں ڈسایا جو گزریل سال دی اوکھ کوں سامنڑے رکھیندے ہوئیں کھاونڑ پیونڑ تے ٹرانسپورٹ دیاں چنگیاں سہولتاں سانگے چنگے انتظامات کیتے گے ہن ۔
