رحیم یار خان توں حج اپریشن اج پورا تھی ویسی ،محمد افضل شاہد

رحیم یار خان (پاکستان نیوز پوائنٹ 29اگست 2016ء) شیخ زید انٹرنیشنل ائیر پورٹ رحیم یار خان توں حج اپریشن دے سلسلے اچ 4پر وازاں توں 624عازمین حج حجاز مقدس پج گے ہن ۔حج اپریشن اج 30اگست تئیں پورا تھی ویسی ۔اے گالھ ائیر پورٹ منیجر محمد افضل شاہد ڈسائی ۔انہاں آکھیا جو حج اپریشن دے سلسلے اچ پہلی پر واز 23اگست کوں ر وانہ تھی تے چوتھی پر واز اتوار دی رات روانہ تھی ۔انہاں ڈسایا جو حج اپریشن دے موقع تے سیکورٹی فورسز دے اداریں سیکورٹی تعاون دے فول پروف انتظامات دے حوالے نال ضلعی انتظامیہ دے نال چنگاں تعاون کیتا ۔