خطے دی ترقی چین دا خواب ہے ،چین پاکستان کوں اپنڑاں آئرن یار سمجھدا ہے،پاکستان اچ چین دے سفیر سن وی ڈونگ دا سی پیک سمٹ تے ایکسپو دے افتتاحی سیشن توں خطاب

اسلام آباد (پاکستان نیوز پوائنٹ 29اگست 2016ء) پاکستان اچ چےن دے سفےر سن وی ڈونگ آکھیا ہے جو خطے دی ترقی چین دا پرانڑاں خواب ہے ،چین پاکستان کوں اپنڑاں آئرن یار سمجھدا ں ہے ،چین پاکستان اقتصادی راہداری چین تے پاکستان وچال تعاون ودھاونڑ دی حکمت عملی دا ناں کائنی ،بلکہ اے پورے خطے دی ترقی تے خوشحالی سانگے بہوں ساری اہمیت رکھیندا ہے سنوار کوں اے گالھ مہاڑ انہاں سی پیک منصوبے دے سمٹ تے ایکسپو دے افتتاحی سیشن توں خطاب کریندے ہوئیں آکھی ،چینی سفیر آکھیا جو اقتصادی راہداری ڈوہیں ملکاں وچال اہم شعبے اچ تعاون دے اقدامات تے منصوبیں دا جامع پیکیج ہے ۔