اسلام آباد(پاکستان نیوز پوائنٹ 29اگست 2016ء) وفاقی وزےر منصوبہ بندی ترقی واصلاحات پروفےسر احسن اقبال آکھیا ہے جو 46ارب ڈالر اچوں 18ارب ڈالر دے منصوبیں تے کم جاری ہے جڈاں جو 17ارب ڈالر پائپ لائن اچ ہن ،پاکستان تے چین 2018اچ سانجھی سٹلائٹ لانچ کریسن ،سی پیک منصوبہ صرف روڈ نیٹ ورک کائنی بلکہ پورا ہک فریم ورک ہے ،منصوبہ ڈوہیں ملکاں دے وژن دا ملاپ ہے ۔
اقتصادی راہداری منصوبے دے تحت پہلے مرحلے دے منصوبے 2017-18اچ پورے تھی ویسن ۔انہاں خیالاں دا ظہار انہاں سنوار کوں اتھاں چین پاکستان اقتصادی راہداری معاشی سمٹ اینڈ ایکسپو توں خطاب کریندے ہوئیں کیتا ۔وفاقی وزیر آکھیا جو چین پاکستان اقتصادی راہداری معاشی تعاون تے کاروباری رابطے کرنڑ دا منصوبہ ہے ،منصوبے نال وڈے پیمانے تے سرمایہ کاری تھیسی صنعتی زون قائم تھیسن ،انہاں آکھیا جو وسطی ایشیا تے پاکستانی تجارتی اداریاں وچال رابطے کوں چنگاں بنڑاونڑ دی ضرورت ہے ،2018تئیں ملک اچ 10ہزار 4سو میگاواٹ بجلی دی پیداوار دے منصوبے پورے تھی ویسن جیں دے پورے تھیونڑ نال ملک اچ توانائی دے بحران تے قابو پاتا ویسی ۔
انہاں آکھیا جو نجی شعبے سانگے ہنر مند لوکاں کو ں پیدا کرنڑ ہک وڈا چیلنج ہوسی ۔